Денес во спортската сала “Младост“ во Битола од рано наутро, а сеуште е во тек, Државно првенство во Модерни танци на Република Македонија на кое учествуваат сите клубови од државата, а домаќин е танцовиот клуб “Expose“ од нашиот град.
На ова првенство се појавија точно 2.050 натпреварувачи, а како се одвиваат натпреварите по категории така и се прогласуваа победниците и се доделуваа медалите.
Огранизаторот Бобан Катаровски од модното студио “Expose“ од Битола, е задоволен од тоа како се одвива натпреварот, но на неговото лице се гледа умор, а постојано е во движење, на паркетот, кај 15 судии, кај учесниците, во малата сала и вели:
-Нешто помалку од три месеци го подготуваме овој натпревар и можам сега слободно да кажам дека кога натпреварот е пред крајот дека успеавме да направиме одличен натпревар, а сите кои се претставија имаа добро подготвени кореорафии, но морам да ги пофалам и членовите на “Expose“ кои беа одлични. Резултатите ќе ги сумираме утре кога малку ќе се одмориме.
Поради големиот инетерес натпреварите се одвиваа наизменично на три подиуми.
Жанета Ристевска
