На третиот ден од Интернационалниот фестивал на филмската камера “Браќа Манаки“ денес, понеделник, во 11,30 часот, ќе има мастер клас кој ќе го одржи оскаровецот, британскиот кинематографер Роџер Дикинс, кој воедно е и годинашниот добитник на златна „Камера 300“ за животно дело.
Средбата со студентите и други учесници на фестивалот ќе ја одржи во малата сала на НУ Центар за култура.
Од ИФФК „Браќа Манаки“ посочуваат дека кинематограферот Роџер Дикинс е во Битола во годината кога тој конечно стана заслужен освојувач на Оскарот за креацијата во филмот „Истребувач 2049“.
Паралелно на фестивалските сцени во Битола ќе бидат емитувани филмови во повеќе конкуренции и фестивалски програми, ќе има студенска програма.
