Во рамките на 16. коло од Првата женска фудбалска лига 20/21 екипата на Топ гол од Битола загуби на гостувањето во Тетово. Битолчанки со гол од примен од слободен удар во 87. минута загубија од ЖФК Љуботен, а натпреварот се одигра на фудбалското игралиште на АМС во Тетово.
-Упатувам само пофални зборови за моите фудбалерки за се она што го направија на теренот и како ги одработија подготовките. Имавме свои шанси за гол, ние погодивме пречка од слободен, примивме гол од слободен удар и тоа во самиот финиш на натпреварот Едноставно немавме спортска среќа, изјави Кире Грбевски, претседателот на Топ гол.
За Топ гол настапија: Павлоска, Бумбаровска, Јанкоска, Миќановиќ, Стојчевска, Петровска, Гелевска, Јанковска, Гоцевска, Љондевска и Дамева, а уште играа:Ковачева и Димитровска.
Следното 17. коло Топ гол во Битола ја пречекува екипата на Скопје 2014.