Дарио Петровски промовиран во Еурофарм Пелистер, доаѓа од вториот тим од Битола

Еурофарм Пелистер од Битола денес го претстави и третото ново име, а се работи за  23-годишниот бек, битолчанецот Дарио Петровски, кој потекнува од битолската ракометна школа и досегашен член на Еурофарм Пелистер 2. Петровски веќе е дел од првиот тим, а се стави на располагање на стручниот штаб и денес ќе го одработи првиот тренинг во спортската сала во Битола, а утре се очекува неговото деби на натпреварот против Струга  во првото коло од плеј-офот.По официјалното промовирање, кое се случи денес во клубските простории во Битола, Петровски рече:-Овој потпис за мене е напредок и мотив плус за чекор напред во кариерата. Со добри игри верувам дека ќе се претставам кај тренерот Бабиќ и очекувам добра иднина и за мене и за клубот. Разговарав со тренерот, размислува за мене и ми кажа за што му требам и на кои задачи треба да одговорам. Мое е да тренирам и да се посветам на тоа што го бара тренерот од мене, па потоа и да го презентирам на терен. Со самиот ростер се гледа дека Еурофарм Пелистер е еден чекор пред Еурофарм Пелистер 2 и тука сум да одговорам на предизвикот, бидејќи надлежните видоа нешто во мене и мислат дека можам да одговорам на тој предизвик.