Иницијативата на Еурофарм Пелистер љубителите на ракометот во Битола да донесат во салата “Боро Чурлевски“ и на полувремето да се фрлаат на паркетот плишани играчки беше прифатена. 
Само што судиите “свирнаа“ крај на првото полувреме се случи “дожд“ од илјада плишани играчки од двете трибини, а сите во салата овој гест на битолчани го испратија со аплауз. 
Вработените во салата плишаните играчки го собираа десетина минути во колички и вреќи, а поради големиот број на “мечиња“ во собирањето се вклучија луѓето од клубот и дел од младинците кои беа во салата.
Идеја на клубот за поздравување, но за поздравување и гестот на битолчани кои издвоија од својот џеб покрај за влезница и за подарок за децата од ранливите категории.
Од клубот велат дека со оваа порака сакаат да ги потенцираат вистинските вредности на животот, пренесени преку спортот.
Инаку, овој тренд веќе долги години е присутен во Европа, токму пред новогодишните и божиќните празници, а вечерва во Битола за прв пат се иницира во Битола и тоа супер успешно.
[ngg src=”galleries” ids=”871″ display=”basic_thumbnail” override_thumbnail_settings=”1″ thumbnail_crop=”0″]
