Битолските судии Митревски и Тодоровски ќе судат за трето место на “фајнал-фор“ Евро лига во Лисабон

Ново големо признание за ракометниот судиски пар од Битола, меѓународните ЕХФ судии, Димитар Митревски и Благојче Тодоровски. Европската ракометна федерација (ЕХФ) ги одреди судиите за “фајнал-фор“ турнирот во рамките на Европската лига во “Алтис Арената“ во Лисабон, а меѓу избраните четири судиски пара, се и битолчаните.За оваа судиска двојка од Битола, која е делегирана како македонска судиска двојка  ова е огромно признание, најголемо во досегашната кариера. Митревски и Тодоровски ќе застанат на центарот на дуелот за третото место в недела на 29 мај.Во полуфиналето на Европската лига на ЕХФ ќе се судрат  Магдебург и Нексе, и Висла и Бенфика на 28 мај.