Христијан Илевски – Кико член на мото клубот Пелистер од Битола, настапи на Европскиот мотокрос шампионат кој се одржа во Едрене, и во двете трки беше втор. Две нови меѓународни признанија тој и носи на Битола и на Македонија во овој спорт кој за него е се.
-Целев на врвот, но полека се враќам во мојата форма и знам дека оваа сезона ќе бидам на пиедесталот на трките, напиша Кико на неговите социјални медиуми.
Ова е уште еден од одличните пласмани за овој извонреден битолски спортист, кој по подолга пауза, заради немање на поддршка за овиј скап спорт, се врати на мотокрос стазите благодарение на неговиот генерален спонзор СН финансии, кој застана зад него, правејќи одличен камбек.
