КК Пелистер за финалните натпревари во Битола казнет со 146.600 денари, за лоша организација, технички грешни, навреди кон Антиќ…

Комесар за натпреварување во Кошаркарската федерација, Александар Милојевиќ, е потписник на одлуките кои се објавени во Билтенот за сениорските и младинските екипи, ја казни екипата на кошаркарскиот клуб Пелистер од Битола, со 146.600 денари, за двата финални натпревари кои се одржаа во Битола, во спортската сала “Боро Чурлевски“.Во образложението објавено во Билтенот како причина за казните се наведени техничките грешки, лоша организација, фрлање на предмети на терен, навреди кон претседателот Перо Антиќ, неспортско навивање, слаба редарска служба, недоволен број на лица за бришење на паркетот, плукање на гостинската клупа, несоодветен дрес код на тренерот.