Press "Enter" to skip to content

Фото вест: новинарот Димче Миновски го одбележа 80 роденден, пријателите со изненадување

Ретки се лицата од Битола кои и во својата осма или деветта деценија од својот живот и по пензионирањето продолжуваат да бидат активни, да творат, да помагаат, да бидат дел од општествениот живот на Битола.Еден од нив е Димче Миновски, новинар и доајен на битолското новинарство и неуморен хроничар на Битола, кој деновиве го прослави својот 80 роденден. Пријателите пријатно го изненадија, му посакаа уште многу години да биде жив и здрав и да создава.-Пријатно сум изненаден од моите, можам слободно да кажам, другари кои со мене се долги години. Не очекував на овие години роденденска торта, да дувам роденденски свеќи и да замислувам желби на 80 години, но ете тие се погрижија за тоа, во мојата викедичка во Брусник каде ги поминувам летните горештини. А, јас на сите ќе им посакам долг живот, да доживеат длабока старост како мојата, и да бидат активни на професионален план. Што се однесува пак до мојата работна активност, сакам прво да ги отпечатам книгите кои веќе се готови, а ги има уште шест, а секако ќе продолжам да работам со помали проекти.

More from БитолаMore posts in Битола »