Синоќа во Битола беше отворен форумот за локални практики во филмската дејност, кој се реализира со поддршка од општина Битола, а во организација на Здружението за поддршка и производство на долгометражни и краткометражни филмови и поддршка на развоjот на филмската деjност “Балкан синема ситис“ Овој форум, претставува можност за воведување на иновативни практики, решенија и идеи, во напредокот на филмската дејност на локално ниво.На отворањето на форумот, свое обраќање имаа претставникот “Балкан синема ситис“ и градоначалникот на општина Битола, Тони Коњановски.-Кога станува збор за филмот, Битола нуди големи можности за продукција на филмови, поврзани со различни историски периоди, но и со друга тематика, за која е неопходна автентичност на просторот, изразена низ нашите значајни објекти, нивниот ентериер или едноставно живописниот отворен простор, како и бројните улички проткаени со бројни приказни, рече Коњановски.Покрај автентичноста на Битола, член на мрежата на креативни градови на УНЕСКО, во областа филм, беа спомената и останатите услови кои ги има градот за филмската индустрија, новото кино “Манаки“, кино салата на Центарот за култура, со својата висококвалитетна опрема.-Кога зборуваме за одржливост во оваа област, мора пред себе да го имаме значењето на филмската индустрија за развојот на туризмот, културната промоција и финансискиот бенефит за речиси сите други сектори кои функционираат во градот. Сепак, во процесот на создавање нови придобивки, не смееме да ја заборавиме грижата за објектите и животната средина, зошто само на тој начин, секогаш ќе бидеме чекор понапред кон подобрувањето на условите за напредок, беше речено на отворањето.Присутните имаа можност да ја гледаат и проекцијата на филмот „Стела“, кој е првиот македонски игран филм за деца, а воедно и првото еко производство, а Форумот, продолжува денес.
Отворен форумот за локални практики во филмската уметност (фотогалерија)
More from ВестиMore posts in Вести »
- Општина Битола и УКЛО објавија повик за втора по ред “Универзитетска летна пракса“
- Голем рок концерт на Камерниот Оркестар на Битола во спортската сала во Битола
- МКЦ-Битола по јубилеен 10-ти пат ќе го одбележи Меѓународниот ден на џезот во Битола
- “Во чест на Великанот Шекспир“ – Шекспирова вечер во Битола (фотогалерија)
- Пред велигденски настан во организација на ЈП “Пазари“ Битола
More from КултураMore posts in Култура »
- Голем рок концерт на Камерниот Оркестар на Битола во спортската сала во Битола
- МКЦ-Битола по јубилеен 10-ти пат ќе го одбележи Меѓународниот ден на џезот во Битола
- “Во чест на Великанот Шекспир“ – Шекспирова вечер во Битола (фотогалерија)
- Педагошки факултет и Библиотеката го одбележаа Светскиот ден на книгата и авторското право (фото)
- Народен театар Битола на “Игорови дани“ во Нови Сад со “Бакхи -краток преглед на распадот“