Press "Enter" to skip to content

По повод Денот на старите лица библиотеката подари книги на “Дом Софија“

НУУБ „Св. Климент Охридски“- Битола го одбележа 1 октомври- Меѓународниот ден на старите лица со донација на над шеесеттина наслови во Приватната установа за социјална заштита на стари лица, “Дом Софија“ во Битола.

Книгите ги предаде директорот на НУУБ “Св. Климент Охридски“- Битола м-р Бојан Стефановски при што истакна:-Ајде да ги поттикнеме нашите деца, нашите блиски, општествено одговорните приватни компании, образовните институции и сите други да почнеме да се грижиме за старите лица, и тоа како што би сакале да се грижат за нас кога ќе ги надраснеме нивните години. Јас знам дека сите заедно можеме повеќе, и како граѓани и како институции.

На овој настан присуствуваше и писателката Славица Гаџова Свидерски која им прочита неколку нејзини поеми. Библиотекарите во секое време се стремат да остварат прекрасни работилници па заедно со писателката и тие им прочитаа прекрасен расказ за тоа колку може да се научи од возрасните. Низ пријатен разговор се запознавме со корисниците на установата, кои се прекрасни личности од кои може многу да се слушни за животот и да се научи. 

More from ВестиMore posts in Вести »
More from КултураMore posts in Култура »