Деновиве пред 10 години: во 2013 битолчани “влегоа“ со Владо Јаневски, првото бебе машко (фото)

-Неколку илјади битолчани на плоштадот “Магнолија“ во Битола, влегоа во новата 2013 година со огномет кој ги воодушеви присутните и настап на голем број музички ѕвезди, ја
испратија старата и ја пречекаа Новата 2013 година, започна со своите сеќавања Димче Миновски, хроничар на Битола и доајен на битолското новинарство. Точно на полноќ, кога стрелките на часовникот се поклопија, градоначалникот на Битола, Владимир Талески, на своите сограѓани, им ја честита Новата 2013 година.Со него на бината беше Владо Јаневски, кој ги воодушеви битолчани заедно со други музички ѕвезди од Битола и Македонија, кои на присутните им приредија вечер за паметење.Во 2013 година првото новороденче кое се роди на Гинеколошко-акушерското одделение во Клиничката болница во Битола беше машко и се роди првите минути по полноќ.Бебето го доби името Илијан, а среќна на стартот на годината беше мајката Моника Унчевска.