Промовирана новата книга на Димче Миновски “Гимнастиката во Битола“ (фотогалерија)

Синоќа во Офицерски дом во Битола пред голем број присутни беше промовирана најновата книга посветена на спортот во Битола, “Гимнастиката во Битола“ на Димче Миновски, хроничар на Битола и доајен на битолското новинарство, кој неодамна наполни 80 години.На промоцијата зборуваше и му го честита најновото издание на Миновски, градоначалникот на Битола, Тони Коњановски, кој рече дека оваа книга која е дваесет и некоја по ред на авторот е еден продонес за спортската историја на градот, а Миновски е единствен кој го прави тоа, и се надева дека и оние 2.500 илјади страници кои чекаат да бидат испечатени ќе им бидат на располагања на читателите.Рецензенти на книгата “Гимнастиката во Битола“ се Ѓуро Илиќ, Сашо Ристевски и д-р Марјан Танушевски, за кои медијаторот на промоцијата Зоран Мишевски, се луѓето кои најдобро го познаваат авторот, секојневно се дружат и се дел од од најголем дел од творештвото на Миновски.Гуро Илиќ зборуваше за Миновски, за неговото творештво, за неговиот развој на спортот во Битола како спортски новинар, како спортски работник и како автор кој има напишано најповеќе за спортот во Битола.Сашо Ристевски се осврна на тоа дека во книгата на Миновски, која е посветена на гимнастиката, можат да се најдат податоци и за лица, настани и објекти кои ги нема во други изданија, а се значајни за историјата на Битола, а поединците кои се споменати во книгата ретко се споменуваат и се непознати за најголем број на битолчани.Д-р Марјан Танушевски зборуваше за најновата книга на Миновски, колку страници и поглавја има, кој период го обработува, кои личности се најзначајни за развојот на гимнастиката во Битола, кои се првите победници во машка и женска конкуренција, кои се најуспешните гимнастичари, или за тоа како книгата го објаснува развојот и унапредувањето на физичката култура во Битола, со акцент на гимнастиката.Авторот на книгата Димче Миновски ја користи следната периодизација, турска управа 1912-1941, српска и бугарска управа и периодот на ослободувањето до осамостојувањето на Македонија и времето оттогаш до денес, а на промоцијата рече:-Секој перод има свои спецификации. Податоци и бројки. Во овој труд ќе ги поместиме позначајните моменти од кои сепак можа да се проследи појавата, развојот и унапредувањето на гимнастиката, како во Република Македонија, така и во Битола. Се разбира наш интерес повеќе е гимнастиката во Битола.Книгата е испечатена со помош на битолскиот бизнисме Александар Митковски, кој како рече имал “обврска“ кон сите кои се заминавале со гимнастика, меѓу кои не неговиот татко Ристо Митковски и секако кон авторот Миновски кој единствен во Битола ја третира оваа проблематика, историјата на спортовите во Битола.Ова е 21 по ред книга на Миновски, а покрај историјата на спортовите во Битола, боксот, ракометот и гимнастиката, има и романи кои го обработуваат средниот век во Битола, одбраната на Битола од Турците, како и авантуристички романи.