Деновиве пред 10 години: започна изградбата на новиот мост кај “Црн мост со кружен тек (фото)

-Во април 2013 година неколку дена по локалните избори, по повеќе подготовки, адаптација на теренот и создавање услови за работа во коритото на реката Драгор во Битола, над стариот мост кај Црн Мост, беше поставен камен темелникот на новиот мост кај Црн мост, започна со своите сеќавања, Димче Миновски, хроничар на Битола и доајен на битолското новинарство.По осветувањето од свештениците на Македонската православна црква, градоначалникот на Општината Битола, Владимир Талески, и претставник на изведувачот “Стентон градба“ го означија почетокот на овој посебен настан со кој започна бетонирање на дел од тракастиот темел на Црн мост.Подолго време траеја подготовките бидејќи потребни се 37 главни монтажни носачи, коишто во изминатиот зимски период се подготвуваа во леарница, а истовремено се работеше и на терен, а откако се направивме сите испитувања на земјиштето, се стигна до фазата на ставање на камен-темелникот.–Ова е една голема придобивка за сите. Ќе добиеме мост по сите сообраќајни стандарди, а на него ќе има кружен тек во кој се бидат вклучени улиците од “Булеварот 1 Мај“ и околните улици, а со тоа во голема мера ќе се зголеми безбедноста на сообраќајот во овој дел на Битола, како и проодноста на возила, беше речено, тогаш, на отворањето.Со изградбата на новиот мост, стариот мост на Црн мост остана пешачки, а новиот е голем кружен тек кој 70% ќе биде мост на реката Драгор, а останатите 30% ќе претставуваат поврзување со патна инфраструктура.