Во книжарницата “Book’s House“ во Битола во организција на НУУБ “Св. Климент Охридски“ од Битола се одржа четвртата работилница од проектот “Биди свој! Креативни програми за сите возрасти“ на тема „Фиктивни – реални приказни“, која е спроведена во соработка со Здружението на дијабетичари од Битола.
-Инспирирани од потребите и проблемите кои тие како дијабетичари ги имаат во нивниот живот борејќи се со оваа подмолна болест, ги поттикнавме на раскажување на нивни реални приказни. Приказни кои покажуваат реална слика како е да се живее со оваа болест и со кои предизвици се соочуваат тие секојдневно или „слатко-горчливи“ маки како што велат тие самите. Ова се приказни кои ние сакавме да допрат до пошироката јавност, бидејќи искуствата на овие луѓе можат да претставуваат совет и лекција за сите нас, велат координатори на проектот Маријан Колевски и м-р Гордана Ѓоргиевска-Неделковски.НУУБ „Св. Климент Охридски“-Битола преку овие настани придонесува да се слушне гласот на овие луѓе. Тие се пример како преку читање и пишување можеме да си помагнеме во процесот на лекување, а истовремено да можеме да помогнеме и на новите случаеви, кои за жал се повеќе ги има како последица на модерното време во кое живееме.
На сите учесници во работилницата им подаривме книга и им посакавме добро здравје.