Пелистер Волеј – Вардар Ем 3:0
(25:13; 25:10; 25:17)
После младинките и кадетките и пионерките се пласираа меѓу најдобрите 8 во Македонија односно во 1/4 финалето од пионерската државна лига и со тоа продолжува доминацијата на младинските категории во македонската одбојка.
Пионерките ја совладаа екипата на Вардар Ем од Скопје во една маестрална и апсолутно доминантна игра и ја израдуваа својата верна публика која цело време ги бодреше од трибините.Предводник на екипата беше капитенот Мила Андоновска со фантастични 19 поени колку што забележа нашата статистика.
Еве ја и листата на освоени поени: Мила Андоновска 19, Антонија Стојковска 13, Евгенија Јовчева 7, Ања Сековска 5, Анастасија Иванова 4, Марија Темелковска 3, Маја Маруши 1 и Михаела Шурбеска 1.
Фото: Дамијана Ристевска