Со изложба и доделување на награди за литературен конкурс започна празнувањето на 80 години настава на современ македонски јазик во Горната гимназија (фото)

По повод јубилејот – 80 години настава на современ македонски јазик 1945 – 2025, СОУ Гимназија “Јосип Броз –Тито“ од Битола ги започна празнувањата изложба на слики инспирирани од делата на македонската преродбеничка литература и од современата македонска литература која беше заедно со литературниот награден конкурс во галеријата „Ранко Струмениковски“ во Битола .“Создавам значи постојам“ е изложба на слики инспирирани од делата на македонската преродбеничка литература и од современата македонска литература, а денес беше отворена  во галеријата „Ранко Струмениковски“ во Битола.На литературниот конкурс пристигнаа 75 авторски (прозни и поетски творби) од учениците.Во категоријата проза наградени се ученичките: Христина Илиевска од III-6, Евгенија Велевска од I-6 и Евгенија Јовчева од I-3. Во категоријата проза пафалени се учениците: Ема Фуна од II-2, Филип Лазаревски од II-3,  Ана Спиркоска од II-6.Во категоријата поезија наградени се ученичките: Маргарита Велјановска од I-4, Мила Кадинска од I-4  и Ева Ристевска од I-4. Во категоријата поезија пофалени се Огнен Петровски од I-4, Ермира Шабани од  III, Виктор Сотиров од I-4.Комисијата беше во состав Николина Ѓуровска – проф. по Македонски јазик и литература,  Сара Груеска – стручен соработник, Зоран Ѓуровиќ – професор по Вовед во Правото и  Биљана Т. Димко – проф. по Македонски јазик и литература.