Пет куглари од Битола на Европско поединечно првенство во Србија (фото)

На првото Европско поединечно првенство во куглање кое ќе се одржува во Апатин, Србија од 3 до 9 февруари, во организација на Светската кугларска федерација, Македонија има влупно 7 претставници од кои 4 во сениорска и 3 во јуниорска возрасна категорија.Свој настап за јуниорите ќе имаат Стефанија Алексовска од Пелистер Пин од Битола и дебитантите на големите првенства Емилија Илијовска од Пелистер Пин и Владимир Талевски од Пелистер 1982.За сениорите ќе настапат Драгана Гаврилова, Мирјана Младеновска од ГТЦ Мусандра, Никола Андоновски од Пелистер 1982 и Александар Младеновски од Макпетрол.Игор Михајловски кој ја води и Кугларската Федерација и е селектор на младински категориие за настапот на македонските куглари вели:-Како Федерација, преку своите тела и селекторите, на ова прво европско првенство кое се одржува во Србија, донесовме заедничка одлука да настапат помлади куглари и кугларки, дел од нив и дебитанти, давајќи им шанса да се верификува нивната работа и форма која ја имаа во изминатиот период со тенденција да се подмлади посебно машката сениорска репрезентација, а за очекувањата додава:-Не сме многу оптеретени со очекувањата, играчите се подготвени да го дадат својот максимум, многу ќе зависи во моментот на настап да се зачува концентрацијата и да се примени она што на тренинзите е работено. Стефанија од оваа група е најискусна и очекувам добра игра од неа иако имавме големи предизвици со неа дали ќе патува за Србија поради сериозен грип деновите пред заминувањето, Никола, Драгана и Александар имаат солидно меѓународно искуство со своите клубови или репрезентација и очекувам од нив добра игра додека најмладите Емилија и Влатко за прв пат ќе настапуваат на големо првенство, настапуваат во повисока возрасна група, но и двата се талентирани и очекувам да изиграат квалитетно. Медал е секогаш цел, дали ќе успееме или не во нашата цел ќе видиме, но дури и да не успееме, ова нивно искуство ќе биде од огромно значење за идните репрезентативни настапи на нашите избраници.