Деновиве пред 10 години: Дијана Неделковска спортист на Битола за 2014 година (фото)

Како и секоја година во организација на Сојузот на спортови на Битола во ресторанот “Белведере“ се одржа традиционалниот избор на спортист на Битола за 2014 година, а спортист на Битола за таа 2014 година беше Дијана Неделковска од кунг-фу клубот Битола, започна со своите сеќавања Димче Миновски, хроничар на Битола и доејен на битолското новинарство.Второ пласиран беше моторциклистот Борче Костов, а на трето место неговиот помлад колега Христијан Илијовски.Како претседател на Сојузот на спортови на Битола, наградите на најуспешните им ги додели Димче Миновски, а наградите ги примија спортистите и членови на раководствата на наградените клубови.–Оваа година ни се повторува истото како и изминатите години. Имаме голем број на младинци од поединечните спортови, а имаме и голем број на младинци од големите спортови, како фудбалот, ракометот, како и женскиот ракомет и фудбал.Им честитаме на добитниците и би сакам на сите да им посакаме успеси и во оваа календарска година во која веќе започнаа натпреварувањата во сите категории, беше речено тогаш.Посебно признание за 2014 г. доби Драгољуб Георгиевски за посебен придонес за развојот на стрелаштвото.