Во изминатите десетина дена во Битола се одржува 31. по ред издание на интернационалниот фестивал на класична музика “Интерфест“ на сцените во НУ Центар за култура, НУ Завод и Музеј, НУ Народен театар и Офицерски дом, со настап уметници од Македонија, Србија, Австрија, Итaлија, Турција и Германија.
Свеченото затворање на “Интерфест“ е денес во Офицерскиот дом, во 20 часот, со настапот на Камерниот оркестар на Битола и Рафаеле Д’Анџело, пијано и Марија Рита Панела, пијано од Италија. Диригент на концертот ќе биде Владимир Димовски, а ќе бидат изведени дела на Моцарт.
Да потсетиме на свеченото отвирање на годинашниот “Интерфест“ настапи Македонската опера и балет со изведба на 2 Балетски претстави “Кармен” и “Валпургиска ноќ”.
