Еурофарм Пелистер 2 синоќа во спортската сала “Боро Чурлевски“ во Битола ги започна подготовките за вториот дел на сезоната, а тренерот Александар Јовиќ на располагање има седумнаесет ракометари, кои се пријавија на првата прозивка по празничната пауза.Тренерот на помладиот битолски клуб очекува најмалку уште едно засилување за разигрувањето. Таму вети дека Еурофарм Пелистер 2 ќе биде најборбена екипа и во тој сегмент тимот не смее да биде надигран.
-Управата на Еурофарм Пелистер 2 правилно размислува и има добра стратегија и визија, а резултатите тоа го покажуваат. Ние трета сезона ќе играме во плеј-оф и мислам дека со нашите добри игри тоа го заслуживме. Напоредно создаваме играчи за првата екипа и остваруваме резултати. Подготовките ќе ги спроведеме комплетно во Битола. Ќе одиграме неколку меѓусебни натпревари со Еурофарм Пелистер, а може да играме и еден меѓународен натпревар, рече Јовиќ на стартот на подготовките, а за екипата додаде:
-Особено ми е мило што како најмлада екипа во првенството, се пласиравме во плеј-оф и пренесовме еден бод. Ќе бидеме најмлади и во плеј-офот и ќе си поставиме цели. Ќе играме растеретено, но со цел ниедна екипа не смее да биде поборбена од нас. Треба да играме квалитетна и агресивна одбрана, преку која ќе постигнуваме лесни голови во напад.
Петар Атанасијевиќ е дел од македонската репрезентација која ќе настапи на Светското првенство во Полска и Шведска, а Василије Печурица има обврски со младинската селекција на Црна Гора.
По првиот дел на Суперлигата, Еурофарм Пелистер 2 го освои третото место во групата Б и пренесува еден бод во разигрувањето за титула.
![](https://i0.wp.com/bitolanews.mk/wp-content/uploads/2023/01/rk-start-018-88.jpg?fit=1000%2C640&ssl=1)
Младите “пелистерци“ ги започнаа подготовките, Јовиќ со идеја да бидат најборбена екипа во плеј-офот (фотогалерија)
More from ВестиMore posts in Вести »
- Еурофарм Пелистер започна со победа во новата сезона
- Прв суперлигашки предизвик за браќата Илиевски, ќе го судат дербито Алкалоид-Вардар
- Пивски ден, пивска ноќ, во Битола на фестивалот “Бирарија“ за занаетчиско пиво (фотогалерија)
- Уште од 5 часот утринава големи гужви на граничниот премин “Меџитлија“ патни исправи се проверуваат во три колони
- Поема на Игор Трајковски Фоја од Битола наградена на престижниот настан Verbumlandiart – Regina Resta
More from СпортMore posts in Спорт »
- Еурофарм Пелистер започна со победа во новата сезона
- Прв суперлигашки предизвик за браќата Илиевски, ќе го судат дербито Алкалоид-Вардар
- Сезонски билети за полни трибини, КК Пелистер во Битола ќе се гледа цела сезона за 2.000 денари и во АВА2 лига
- По освојувањето златото на Светското првенство Марија Димовска на прием кај премиерот Мицкоски и министерот Ристовски
- Еурофарм Пелистер се врати во Битола без трофеј, по поразот во Купот, пораз и во Супер купот од Алкалоид, во Гевлелија (фотогалерија)