РК Еурофарм Пелистер 2 од Битола ја информира јавноста дека нов член на нашиот клуб е младинскиот репрезентативец на Црна Гора, Богдан Мијушковиќ. Се работи за 20-годишен лев бек, кој доаѓа во Македонија од шампионатот на Словенија, каде го носеше дресот на Добова.
Богдан Мијушковиќе едно од најголемите црногорски таленти на неговата позиција, а зад себе има настапи и на големи натпреварувања за својот национален тим.
Мијушковиќ ги мина лекарските прегледи и веќе неколку дена тренира со своите нови соиграчи. Официјалното претставување на Мијушковиќ е предвидено за денешниот ден.
