Пред 10 години и повеќе кога се појавија на музичката сцена во Битола детскиот хор “Ѕвончиња“ веднаш го привлекоа вниманието на битолчани, со голем број на мали дечиња кои изведоа и голем број на концерти. Во февруари во 2013 година одржаа голем концерт посветен на Тоше Проевски, во Домот на културата, започна со своите сеќавања Димче Миновски, хроничар на Битола и доајен на битолското новинарство.
Концертот се одржа во големата сала на Центарот за култура, насловен како “Пееме до ѕвездите“, посветен на македонската поп-легенда, Тоше Проески, а концертот беше од хуманитарен карактер.
Организатори на концертот беа Државното средно музичко училиште од Битола, во кое Тоше Проески го заврши средното образование и Националната установа Центар за култура Средствата од хуманитарниот концерт ќе бидат употребени за набавка на ново пијанино во Музичкото училиште.
Покрај детскиот хор “Ѕвончиња“, кој настапува под диригентство на Марина Коруновска, учествуваа и групата “Калабалак“, вокалната група “Мелодиум“ и хорот на
Словенечкото друштво “Триглав“.
