Библиотеката започна со одбележување на 78. роденден, први гости децата од средно училиште за рехабилитација и образование (фото)

Оваа година НУУБ “Св. Климент Охридски“ од Битола слави 78 години од нејзиното основање, а по тој повод започнаа со низа активности да го одбележуваат родендеднот. Со торта и подароци, роденденот на библиотеката го прославивме заедно со децата, родителите и професорките од Државното средно училиште за рехабилитација и образование „Св. Наум Охридски“ – Скопје кои имаат дисперзирани паралелки во нашиот град.Директорот на НУУБ „Св. Климент Охридски“ – Битола м-р Бојан Стефановски по повод роденденот на библиотеката им подели на учениците материјали за работа им посака да учат и дека библиотеката ќе биде нивен сојузник преку вклучување во различни активности на библиотеката, се со цел да им се олесни процесот на образование.-Со искрени желби пеевме, другарувавме и се забавувавме со нашите нови другарчиња. Библиотеката веќе започна со реализирање на проектот „Забавни креативни работилници за поттикнување на читањето на деца со попреченост“ одобрен од Министерството за култура во кој се вклучени децата од ова училиште, соопштуваат од Библиотеката.