Културните врски помеѓу Романија и Македонија – “Ароманската музика и браќата Манаки“ (фотогалерија)

Синоќа во свечената сала на Офицерски дом во Битола во организација на Институтот за романска култура од Букуреш, Информативниот центар на Романија во Скопје и Амбасадата на Романија во Македонија во соработка со Влашката културна асоцијација и Лига на Власите Асоцијација „Браќа Манаки“, оддржан културен настан.Настанот беше насловен како “Културните врски помеѓу Романија и Македонија – “Ароманската музика и браќата Манаки“.На настанот се обрати амбасадорот на Романија во Скопје, Адела Моника Аксинте.На настанот беше присутен почесниот конзул на Романија Александру Мамакис, со седиште Битола, а беа присутни и припадници на влашката заедница од Битола, почесни конзули и други гости.Во музичкиот дел настапија гостите од Романија, Чипријан Порумбеску, Џорџе Енексу, Јон Думитреску.Во научниот дел со интересни документи и предавања за баќата Манаки и влашкиот етнос на овие простори се претставија научните работници Кармен Ирина Флоареа, Мануела Новачи, Каталин Д. Костантин и Емил Циркомнику.Присутната публика освен прекрасниот настап на музичките уметници, можеше да посведочи куриозитетни фотографии и документи од животот на браќата Манаки.На настанот темите на кои се зборуваше беа  “Архивски документи за Јоан Д. (Јанаки) Манаки“ и “Номади за Балканот, еден век подоцна – Браќата Манаки“.–Ова е почеток на една поинтезивна културна соработка помеѓу Р.Романија и Р.Македонија најавуваат гостите од Романија, беше речено на предавањето.