Екипата на Народен театар Битола за време на своето гостување во Полска, беше пречеканa од македонскиот амбасадор во Полска г-дин. Јасмин Ќахил. Во една пријатна атмосфера се разговараше за соработката помеѓу двете држави на културно поле, како и за тоа дека овие гостувања придонесуваат кон истата.
Имено претставата “Хамлет-денот на убиствата“ од Бернар Мари -Колтес во режија на Марјан Неќак, ќе се прикаже вечер на Интернационалниот Фестивал “Direction east“ во Бјалисток .
Во претставата играат: Никола Стефанов, Иван Јерчиќ, Валентина Грамосли, Викторија Степановска Јанкуловска. Марјан Неќак е и автор на музиката, сценографијата ја изработи Валентин Светозарев, драматург е Оливера Павловиќ, а костимите се дело на Андреј Ѓоргиевски.
