Деновиве пред 10 години: премиерот Никола Груевски на голем собир во Битола по скандалот со прислушувањето (фото)

-Пред 10 години во Битола се одржа собирот во спортската сала, тогаш “Младост“ на партијата ВМРО-ДПМНЕ  во која беше исполнета до последното место, а дел од симпатизери на партијата, мораа собирот да го следат на видео-бим, на кој зборуваше тогашниот лидер и премиер Никола Груевски, започна со своите сеќавања за пред 10 години, Димче Миновски, хроничар на Битола и доајен на битолското новинарство.Никола груевски на собирот истакна дека скандалот со прислушкувањето е монтажа на тие кои не и сакаат добро на Република Македонија. Тој негираше дека Владата го вршела прислушувањето, односно нелогично е Владата да прислушува, а по се што досега е објавено во јавноста, испаѓа дека Владата наместо да ја прислушува опозицијата се прислушувала самата себе.Повторувајќи го својот, досега неколку пати повторуван, став дека скандалот со прислушувањето е монтажа на тие кои не и сакаат добро на Македонија.Груевски во Битола најави низа нови поволности за работодавачите кои ќе вработат невработени лица над 35-годишна возраст, невработени лица од 35 до 50 годишна возраст, коишто 10 години се без работа, како и за оние над 50 години независно, дали биле или не биле вработени во минатото.-Владата ќе направи напори во наредниот период, откако комисиите за проценка на
штетите ќе ја завршат својата работа, да ги обештети сите земјоделци и граѓани кои претрпеа штети од неодамнешните поплави за 100 отсто, рече Груевски.На крај во своето обраќање до присутните Груевски нагласи дека силата на ВМРО-ДПМНЕ е во народот, и во неговата љубов кон сопствената земја.На собирот покрај премиерот Груевски зборуваше тогашниот претседател на ОК на ВМРО-ДПМНЕ Битола, Зоран Илиевски и пратеникот Антонио Милошоски.