Шкендија – Пелистер 1:2 (1:1)
Екипата на Пелистер од Битола кога најмалку се очекуваше, на гостувањето во Тетово дојде до победа над тимот на Шкендија со резултат 1:2, полувреме 1:1, а ова е деби на новиот тренер Марјан Секуловски со победа која носи три значајни бода за клубот во борбата за опстанок.
Натпреварот во Тетово започна рамноправно, а првата шанса ја имаше Бесарт Ибраими во 8. минута. “Пелистерци“ шанса чекаа во контра напади, а таквата тактика на Секуловски донесе два обиди на Мирко Ивановски. Шкендија имаше и поништен гол во 30. минута на Ендрит Красниќи. Во 37. минута Пелистер поведе, а стрелец на голот беше Стефан Спировски. Само шест минути подоцна во 43. минута израмнување донесе Бесарт Ибраими.
На стартот на второто полувреме Пелистер имаше една полушанса, а во 60. минута Тамба шутираше кон голот на Пелистер, но голманот Јовчевски одбрани. Тамба се обиде уште двапати за Шкендија. И Булатовиќ се најде и одбрани голманот Гаје. На крајот следеше шок за домашните и казна за пропуштеното, Вилдан Керим погоди за 1:2.
