И во последниот скијачки викенд “пелистерци“ освоија медали, една златна и две сребрени

Денес на ски патеката во скијачкиот центар “Заре Лазаревски“ на Маврово се одржа трката во велеслалом од “Лигата на надежи“, на која со успех годинава настапија младите скијачи на ски клубот Пелистер од Битола.“Пелистерци“ и денес продолжија со успесите и ја завршуваат оваа скијачка сезона, како и започнаа, со успеси и медали, а настапија со шест натпреварувачи.Во велеслалом во категорија “U16“, Ева Милевска, освои златен медал, а во “U14“ Ангела Ристевска и во “U8“ Матеа Нолева, освоија сребрени медали.Утре, недела, наутро се вози трката во слалом, која ќе биде последна трка со која се става крај на сезоната.