Касим Каменица ги собра аплаузите пред почетокот на натпреварот, а добредојде му посака Какале (фото)

Една од легендите на битолскиот ракомет секако е некогашниот тренер на Пелистер, Касим Каменица, кој денес беше во Битола како дел од екипата на Нексе, заедно со сопственикот на Нексе, Јосип Ерговиќ.Иако, Касим во салата “Боро Чурлевски“ влезе незабележително, кога се качи на трибините веднаш беше препознат од битолчани, а од тој дел трибината доби аплауз, на кој според тоа како реагираше не остана рамнодушен.  Помладата публика не ја препозна оваа ракометна, може слободно да кажеме, битолска легенда, но повозрасните го препознаа.А, една друга легенда, која во времето на Касим беше еден од “најватренире“ навивачи, Какале, му приде и му посака добредојде на Касим во Битола, а малку и си поприкажуваа. Одличната атмосфера која беше во Битола сигурно го потсети Касим на времете кога беше, долу, на паркетот и го водеше Пелистер.