Љубовта кон искачувањето по карпи на членовите на СКК Вертикал ги “однесе“ во државата Јордан каде се искажуваа на карпите високи до 300 местри.Саша Грбиќ дел од овој потфат вели:-Идејата беше одамна, а ја предложи претседателот на Вертикал, Горан Кузмановски, но ете дојде да се реализира од 6 до 16 март, односно целата експедија траеше 10 дена. Морам да кажам дека целата организација беше наша, односно на Горан Кузмановски, Маријан Кузмановски, Владимир Ѓоргиевски, Влатко Деловски и јас.Петте битолчани, а покрај нив и четворица скопјани, пристигнаа во главниот град на Јордан, Аман, а по само една вечер, утрото се упатиле кон пустината.-Прво пристигнавме во Аман, тука останавме една вечер, наредниот ден се упативме во пустината, кон селото Wadi Rum. Тое место каде бевме е полно со песочни карпи кои се издигаат и по 250 – 300 метри. Таму има и доста сики – тесни канали меѓу карпи каде што се слива водата кога има дождови и не е можно движење во тој период. Целата таа конфигурација беше предизвик за нас, за што и заминавме таму, вели Грбиќ, кој за самото искачување додава:-Стилот на качување е “Traditional Climbing“, а насоките без сигурносни клинови, а на дел од нив и без сидришта.Покрај искачувањето на карпите дел од времето го искористивме и за туризам, за што скромниот Саша вели:-Имавме време да посетиме уште неколку места како што се Wadi Musa, Aqaba, и се искапивме и во Мртво Море.На 16 март како тој вели со последните активни превозни средства, пред да се затвори светот тргнаа од Јордан и се вратија дома.
С.Ристевски, фото: приватна архива