Press "Enter" to skip to content

Граѓаните да не даваат пари на непознати лица по контакти преку телефон, има пријави за измама, апелираат од СВР Битола

Во последно време на подрачјето на Секторот за внатрешни работи Битола забележана е појава на измамени граѓани, каде одредени сторители  на најразлични начини вршат измама и оштетување на истите.

Имено, сторителите ги доведуваат до заблуда оштетените со измислување најразлични приказни и начини да остварат парична или друга корист, ветувајќи им услуги, огревни дрва, лекарства, лажни сообраќајни незгоди, купување на возила, купување на  станови, организации на настани, откуп на железо итн, при што измамниците сето тоа го прават телефонски и не се појавуваат.

СВР Битола бележи пријави од граѓани каде измамниците според утврдена шема се јавуваат во некој ресторан и некој од нив се претставува како раководител или директор на фирма и бара  да му се резервира сала за состаноци, забави и сл. притоа од угостителот бара да ангажира фирма за декорација на објектот  и да ѝ плати. Парите за декорацијата се даваат во кеш на одредено лице кое подоцна исчезнува, а нарачателот е недостапен на телефонот.

Последните пријавени измами во СВР  Битола се однесуваат за откуп на железо каде измамникот телефонски се претставува како лице од Скопје и  истиот кажува дека гради објект и стапува во контакт со сопственик на отпад во Битола и му нуди железо кое му останало од градбата. Пријавителот откако е измамен со давање на пари на одредено лице – такси превозник и измамникот кој е  недостапен на телефон увидува дека е измамен и настанот го пријавува во полиција.

Апелираме до сите граѓани да бидат исклучително претпазливи во комуникација со непознати лица која се  врши по телефонски пат, да не наседнуваат на измами, да ги проверуваат фактите и податоците кои им ги кажуваат на телефон, да не даваат пари на измамниците, на нивни посредници и сл., да не се даваат пари на непроверени клиенти и соработници само врз основа на телефонска комуникација и  секако сите сомнителни случаи да ги пријават во полиција.

Измамите претставуваат кривично дело  по член 247 од Кривичниот законик за кое е предвидена парична или казна затвор од 3 до 5, односно 10 години, зависно од големината на причинетата материјална штета.

Секторот за внатрешни работи Битола презема интензивни мерки и активности за расчистување на пријавени измами.

More from ВестиMore posts in Вести »