Деновиве пред 10 години: факелот на “Трката на мирот“ во Битола (фото)

-Еден од меѓународните настани кои во 2012 годдина, пред 10 години се случија во Битола беше светскиот настан “Трка за мирот“, односно помина низ Битола, а со неа и факелот на мирот, започна со своите сеќавања за деновите пред 10 години, Димче Миновски, хроничар и доајен на битолското новинарство.Миновски за патеката по која по која помина “Трката на мирот вели дека се движела од влезот во Битола,  кај кружниот тек Дулие, по ул. “Филип Втори Македонски“, па продолжија на паркинг просторот кај Саат Кулата, до плоштадот “Магнолија“.-Носиме факел што гори низ Европа, за да ги потсети сите дека ние сме едно големо семејство, каде секој е важен и секој може да го промени светот, рекоа учесниците на трката, која уште се вика и Чинмој, “трка за светска хармонија “, и постои повеќе од три децении, а се трчала низ 150 држави, вели Миновски.Главната улога на трката е да се поттикне човештвото на единство и разбирање во секојдневниот живот, со цел да се споделуваат идеалите за вечен мир и да се спуштат социјалните бариери кои одделуваат една нација од друга и е поддржана од многу светски личности.-Свечената церемонија на стартот на трката од различни земји, и со трчање на самата трка, таа претставува најголем и најдолг народен труд за мир на човештвото, додава Миновски.