Утре во Атина, Грција, започнува Европското првенство во Кик Бокс 2024 за сениори, а ќе се одржува на Олимпискиот стадион. На ова големо престижно натпреварување се пријавени 1.133 натпреварувачи од 41 земја.
Нашата Држава ќе учествува со 5 репрезентативци, кои претходно ги исполнија нормите за учество на натпреварување.
Леа Бошевска од кик-бокс клубот Самурај од Битола ќе настапи во дисциплината кик лајт до 50 килограми во сениорска конкуренција, каде ќе биде во конкуренција на натпреварувачки од 9 држави.
Леа Бошевска е официјален Балкански првак во сениорска конкуренција за 2024, како и официјален државен првак за 2024. Оваа година Леа Бошевска освои златни медали и во Босна и Херцеговина, како и во Белград, Србија.
Во врска со подготовките за Европското првенство, тренерите на Самурај Тони Бошевски и Гордана Цветковска Бошевска ни изјавија дека Леа е во врвна натпреварувачка форма, што се должи на секојдневните тренинзи, односно по два тренинзи на ден. Исто така важно е да се напомене дека Леа е дебитант на ова натпреварување во сениорска конкуренција, што и беше уште поголем мотив да се припреми максимално за да ги брани боите на нашата држава.
