-“Balkan Zoo“ музика што не ве остава рамнодушни беше вистинската реченица која го отслика вечерашниот концерт во Центарот за култура во Битола во вечер полна со ритам, виртуозни импровизации и силна енергија, точно она по што тие се препознатливи.
“Balkan Zoo“ е проект на наградуваниот басист и композитор Марио Рашиќ, кој повеќе од 13 години ја претвора балканската традиција во современ, прогресивен “world music“ звук, а нивната музика беше експлозивен спој од емоција, виртуозност и свежи аранжмани.
Уникатниот вокал на Нина Ќориќ го донесе нејзиниот препознатлив стил – мешавина од балкански етно мотиви, ромски мелодии, фламенко и модерна “world music“ фузија, а за битолчани ветуваат ноќ исполнета со страст, балканска енергија и танц. 
Нина Ќориќ се обрати на присутните и рече:
-Ме радува што сум во Битола, на фестивалот Музика од светот, а според она што го разговаравме со организаторите ние сме прва група од Хрватска која има настапено на оваа сцена, а овој фестивал. Се надевам дека овој настап ќе ги “отвори вратите“ и за други бендови и поединци од Хрватска за нивно претствавување пред битолската публика.
-Јас сум голем фан на ромската музика. Сум настапувала низ Европа, но ќе споменам дека од моите настапи сум извлекла заклучок дека најтересно на Ромите во Шпанија им е кога ќе слушаат ромска музика од балканските простори, а најсилно име им е Есма Реџепова и покажуваа оргомен интерес за нејзините песни. Пред тринаесет дена има голем настап во Шпанија и имав голема трема. Но, вечерва, пред вас имам уште поголема трема бидејќи ќе испеам неколку песни од Есма Реџепова, а тоа се чувстува и во мојот глас, бидејќи сме на место кое изворот на таа музика, пред публика која знае тоа да го пррепознае, рече Нина Ќориќ.
Во 2024 година “Balkan Zoo“ го издаде вториот албум “Muzika za ples“, уште една фузија од ромски и фламенко мотиви во современ стил. Албумот во 2025 година е номиниран за престижната награда “Porin“ за „најдобар world music албум“, а Balkan Zoo настапуваа и во живо на церемонијата.
“Balkan Zoo“ настапуваат низ целиот регион, носејќи ја пораката дека музиката е универзален јазик што ги обединува сите.
Утре, недела, 3о ноеври, на Фестивалот ќе настапи групата “Koza Mostra“ од Грција. Тие се меѓународно познатата група, позната по својот енергичен спој на традиција, рок, ска и метал, а ќе настапи во Битола веднаш по нивниот настап на “Polandrock“ еден од најголемите европски фестивали.
Жанета Ристевска
Фото: Сашо Ристевски
