Фото вест: започнаа проекциите во малото летно кино во Центарот за култура во Битола

Со проекција на комедијата “Добредојдовте во Германија“ синоќа започна да работи малото летно кино во Битола, во центарот за култура, кое е сместено во на косото плато под службениот влез на Центарот за култура и Малата сала.Проекцијата на првиот филм, во Битола ова лето, се реализира по здравствените протоколи, меѓу кои на посетителите им беше мерена телесна температура со задолжителна дезинфекцијата на раце и носењето на маски.-Мало летно кино е сместено на една од најдрагите локации во нашиот објект во Центарот за култура во Битола. Капацитетот е ограничен на околу 50 посетители, а цената на влезниците е по симболична цена од 100 денари.  Билетите за проекциите се продаваат пред почетокот, на проекциите кои започнуваат во 20:30 часот, велат од Центарот за култура во Битола.Денес, среда, на репертоарот на малото летно кино во Битола е Оскаровецот “Паразит“, а утре, четврток комедија “Брит Мари беше тука“- филм кој е снимен по истоимената бестселер книга.-Баравте кино под илјада ѕвезди во Битола, ние успеавме да ја исполниме оваа ваша желба, додаваат од Центарот за култура од Битола.