Синоќа се одржа втората,завршна вечер на “Фестивалот на староградска музика и вино“ кој викендов се одржа во Старата битолска чаршија во Битола. Вечерта помина во одлична атмосфера, а сите гости понесени од звуците на музиката, на нозе ја завршија со пеење на песните посветени на Битола, на Ратка, но и на “Чкембарите“…
А, за тоа оваа втора вечер да остане во сеќавање на присутните битолчани кои беа во Старата чаршија во Битола, пред “Малиот битолски монмартр“ се погрижија групите “Гердан“ и “Битолски тамбураши“. Добрата атмосфера, надополнета со вината од винаријата “Чифлик“.
Амбиентот на старата битолска чаршија во Битола, повторно се исполни со звуците на староградска музика, народни песни и оние обнародени, кои некои синоќа со право ги нарекоа “битолски шлагери“. Присутните заедно со изведувачите ги пееја цела вечер и песни од целиот Балкан, нови хитови, стари песни…
Манифестацијата „Фестивал на староградска музика“ се одржува во Битола, шеста година по ред, а организаторот сака на еден поинаков начин начин да го врати сјајот на битолската чаршија
Многу битолчани сакаат се присетат на еден период поточно во 80-90 години, кога тука беа кафулината, а повозрасните на некое друго подалечно време, кога тука беа занаетите, кафаните…. А старите улиците беа корзо и шетање.
Потребни се повеќе манифестации, со различни содржини, со кои би се вратиле традициналните и културни вредности кои ги поседува оваа чаршија, а секако и градот Битола.
Жанета Ристевска
