Деновиве пред 10 години: прв настап на Исмаил Љумановски во Битола, ги воодушеви битолчани (фотогалерија)

–Пред некое време во Битола го слушавме нашиот сограѓанин Исмаил Љумановски, кои пријателите го викаат Смајко, во Хераклеја заедно со уште тројца виртуози на кларинетот, двајца од Битола, и се воодушевувавме на новите “мајстрории“ на кларинетот, но ќе ги потсетам битолчани дека Ислаил првиот посериозен настап во родниот град го имаше пред 10 години во Центарот за култура во Битола, започна со своите сеќавања Димче Миновски, хроничар на Битола и доајен на битолското новинарство.Во 2015 година, Исмаил си ја исполни својата неисполнета желба, со својот оркестар “Њујорк Џипси ол старс“, се претстави пред своите сограѓани, битолчани, каде што ја почна својата музичка кариера.Битолчани до тогаш можеа само да читаат, или да се информираат преку неговата
фејсбук-страница, а имаше и настапувано со македонската филхармонија. Конечно му се исполни животната желба на Исмаил кој заедно во комплетен состав, со неговиот бенд, со светско реноме “Њујорк Џипси ол старс“ настапи во Битола.Големата сала на Центарот за култура за само неколку часа буквално беше распродадена и беше претесна да ги прими сите љубители на неговата музика, да го проследат неговиот настап.Тогаш неговиот бенд, постоеше повеќе од 12 години, а во кој членуваат музичари од Грција, Турција, Швајцарија, Австралија и САД во состав: Тамер Пинарбаси, Панајотис Андреас, Енгин Гунајдин и Џејсон Линднер, ги воодушевија над 1.000 присутни во Центарот за култура. Лумановски, речиси два часа, со својот богат репертоар предизвика овации кај присутните, кои во два наврати го враќаа на бис на сцената.-Уште како млад музичар кога ја почнував својата музичка кариера сонував да имам свој настап во Битола. Верувајте ми, сум настапувал на многу сцени во светот, но секогаш кога ќе ги слушав аплаузите по моите настапи мислите ми се враќаа во Битола и се прашував кога ќе можат моите сограѓани, комшии, другари, пријатели да ја слушнат мојата музика. Затоа кога ја добив поканата, сега за време на оваа моја турнеја низ Балканот и Европа да настапам во Битола, прифатив, што би се рекло, на “поминување“ да настапам во Битола, рече Исмаил и додаде:-Јас лично тремата одамна ја имам надминато, сепак морам да признам дека овој пат имав огромна трема како ќе ме прифатат моите сограѓани. Затоа кога по почетното “запознавање“ ги слушнав аплаузите знаев дека тоа ќе биде извонреден концерт, а битолчани покажаа дека ја знаат музиката. Навистина сум воодушевен од тоа како публиката ме прифати,