Деновиве пред 10 години:“Кромберг и Шуберт“ стартуваше со изградба на уште една фабрика (фото)

-Иако тогаш не верувавме дека тоа се случува, а се беше под знакот неофицијално без многу помпа и бомбастички најави, надвор од фокусот на битолската јавност  “Кромберг и Шуберт“ започна да го уредува просторот за по четокот на изградбата на втората фабрика во Битола на оваа германска корпорација, започна со своите сеќавања Димче Миновски, хроничар на Битола и доајен на битолското новинарство.Со ова во индустриската зона “”Жабени“ во јуни 2016 година почна изградбата на втората фабрика на “Кромберг и Шуберт“ на втората парцела, која уште пред неколку години ја купи германската корпорација која е од најпознатите во светот, во која ќе се конфекционираат кабли за автомобилската индустрија.Просторот каде што сега е изградена фабриката го уредуваше турската градежна компанија
“Пера констракшн“, која учествуваше во изградбата на првата фабрика на “Кромберг и Шуберт“. На стартот на работите, дневно на просторот каде што ќе биде изградена новата фабрика, се одложуваат по нај малку 1.000 метри кубни тампон, а потоа ќе бидат поставени темелите на втората фабрика.Тогаш беше речено дека во втората фабрика, инвестиција ќе бидат вработени најмалку 1.500 нови работници. Задоволни од работењето на првата фабрика на “Кромберг и Шуберт“, сопственикот на германската компанија Хан Ото Кромберг, одлучил да изгради уште една фабрика во непосредна близина на првата фабрика.Инаку, во јуни 2016 година во првата фабрика на “Кромберг и Шуберт“ се вработени околу 3.000 работници, кои работат во три смени.